「你真係一個好人黎架～」
又在另一個新相識的朋友口中得到呢句說話。
我即時的反應是：
「多謝你的讚賞．．．但係我真係覺得好灰．．．」
「點解咁講呀？」
「因為我以往聽過呢句說話之後，都會有『不過．．．』bah bah bah的下文的．．．」
「唔會架～我真係無下一句架．．．」
其實我每次聽到這句說話，都真係想坎頭埋牆死左佢算．．．
唔係因為對方真心定假意、唔係因為有無上文下理、唔係因為當時咩野場合；而係因為只要呢句話一出口，以後我就會被扣上一頂「好人」的帽子。
這頂帽子代表一道不可踰越的高牆，代表一層永不褪色的隔閡。
以後就因為這一句「好人」，大家便很難很難很難可以再交心了。
可能你會問我：點解一句好人便以後不可以交心呀？
我會說：因為我己經被人「定形」了，以後我的其他的性格，所擁有的素質，一切的喜怒哀樂都不會再被人留意；以後我所做的一切也只會被單程路的去詮釋；對方只會將我歸類為「好人」這一種stereotype。
我唔止係一個好人黎。
我仲係一個有感情，有性格，有自尊，有內涵，有原則，有堅持的人來的。
我人一個整全的人來的。
請用不同的角度來觀察我，感受我，接納我。
說到底，其實我仲係一個衰人，我會做衰野的．．．
